Við höfum góða sögu í Garðabæ. Samfélagið okkar hefur eflst og dafnað í gegnum tíðina undir forystu okkar í Sjálfstæðisflokknum og rekstur bæjarins er traustur. Fólk vill búa í Garðabæ því það veit að hér er gott, öflugt og traust samfélag og bæjarbúar eru ánægðari með þjónustuna en víðast annars staðar. Slík framþróun gerist ekki af sjálfu sér. Það þarf að hlusta eftir því hvað skiptir íbúa máli, móta heildstæða sýn og láta verkin tala.

Spennandi framtíð í Garðabæ

Framtíðin er spennandi í Garðabæ og þrátt fyrir að framboð af húsnæði hafi verið mest hér á liðnu kjörtímabili þá er eftirspurnin áfram æpandi. Garðabær er að stækka hratt og ný eftirsótt hverfi að rísa, sem byggð eru af miklum metnaði. Það segir sína sögu.

Í Hnoðraholti og Vetrarmýri munum við bráðum sjá nýja blandaða byggð og þar verða líka ný svæði fyrir verslun og þjónustu. Nú þegar hafa opnað spennandi veitingastaðir í Urriðaholti í bland við önnur fyrirtæki . Á Álftanesi standa einnig yfir framkvæmdir sem munu efla byggðina þar og styrkja forsendur fyrir verslun og þjónustu í nærumhverfi.

Íbúar vilja í auknum mæli sækja þjónustu í nærumhverfi og endurnýjun miðbæjarins er þáttur í því að efla mannlíf og fjölga tækifærum til gæðastunda í Garðabæ. Frekari uppbygging á Garðatorgi og víðar býr til tækifæri til að laða að fleiri spennandi fyrirtæki og fjölga störfum í nágrenninu. Grunnþjónustan okkar, sem er samfélaginu mikilvæg, kostar sitt og við verðum því að fjölga tekjustoðunum og fjölga íbúum til að geta áfram tryggt um leið mikilvæga þjónustu og varðveitt getu okkar til að halda álögum í hófi.

Góður árangur er ekki tilviljun

Staða Garðabæjar er sterk og sá mikli árangur sem náðst hefur náðst í uppbyggingu á blómlegum bæ undir forystu Sjálfstæðisflokksins hefði hæglega getað þróast með öðrum hætti. Verja þarf þennan árangur á sama tíma og uppbyggingunni er haldið áfram til móts við nýja tíma.

Þegar kosið er í bæjarstjórn þá erum við að velja fólk sem tekur ákvarðanir um margt það sem stendur okkur næst. Skólana sem börnin okkar ganga í, hvaða íþróttir og afþreying er í boði, hvernig er hugsað um eldra fólkið okkar og þá sem þurfa á stuðningi að halda. Við erum einnig að velja hverjum við treystum til að þróa áfram hverfin okkar, byggja upp innviðina, bæta aðstöðu og um leið gæta að því að vel sé haldið utan um fjárhaginn.

Við í Sjálfstæðisflokknum í Garðabæ erum þakklát fyrir það traust sem bæjarbúar hafa sýnt okkur og vonumst til að fá skýrt og sterkt umboð til áframhaldandi góðra verka og sóknar. Við trúum því og treystum að íbúar Garðabæjar vilji halda áfram á þeirri vegferð sem hafin er. Góður árangur í rekstri sveitarfélaga er sannarlega ekki sjálfgefinn og hann skiptir íbúa miklu máli.

Setjum X við D. Fyrir Garðabæ.

Almar Guðmundsson er oddviti Sjálfstæðisflokksins í Garðabæ

Greinin birtist fyrst í Garðapóstinum, 12.maí 2022.

Utankjörfundaratkvæðagreiðsla vegna kosninga til sveitarstjórna sem fram fara 14. maí 2022 er hafin og fer eingöngu fram í Holtagörðum í Reykjavík á 2. hæð.

Opnunartími:

19. apríl – 1. maí, kl. 10.00 – 20.00
2. maí – 13. maí, kl. 10.00 – 22.00

Á kjördag, laugardaginn 14. maí, verður opið frá kl. 10.00 – 17.00 fyrir kjósendur sem eru á kjörskrá utan höfuðborgarsvæðisins.

Tímasetningar vegna atkvæðagreiðslu á sjúkrahúsum og hjúkrunar- og dvalarheimilum aldraðra í Garðabæ verður sem hér segir:

Hjúkrunarheimilið Ísafold, Garðabæ
Fimmtudaginn 28. apríl, kl. 15.00 – 17.00.

Landspítalinn Vífilsstöðum, Garðabæ
Fimmtudaginn 28. apríl, kl. 15.30 – 16.30.

Frambjóðendur Sjálfstæðisflokksins í Garðabæ hafa síðastliðnar vikur boðið kjósendum í bænum til stefnumóts um framtíð Garðabæjar.

Efnt var til þriggja funda þar sem kraftmiklar umræður fóru fram, en stefnumótin fóru fram í Flataskóla, í Urriðaholtsskóla og í íþróttahúsinu að Breiðumýri. Á fundina mættu galvaskir Garðbæingar sem tóku þátt í að móta framtíðarstefnu fyrir komandi sveitarstjórnarkosningar ásamt frambjóðendum Sjálfstæðisflokksins.

Fundirnir nýttust vel til að heyra sýn íbúa á marga málaflokka og hvaða verkefni skulu sett í forgang á komandi kjörtímabili. Við þökkum öllum þeim sem mættu á fundina fyrir þeirra framlag og hlökkum til áframhaldandi samfylgdar í kosningabaráttunni framundan.

Á fundi Fulltrúaráðs sjálfstæðisfélaganna í Garðabæ í kvöld var framboðslisti Sjálfstæðisflokksins í Garðabæ fyrir sveitastjórnarkosningarnar 14. maí nk. samþykktur.

Fyrir fundinum lá tillaga kjörnefndar að skipan framboðslistans. Tillagan var samþykkt og er listinn þannig skipaður.

Fundur verður haldinn í Fulltrúaráði sjálfstæðisfélaganna í Garðabæ í Safnaðarheimilinu Kirkjuhvoli, Vídalínskirkju, Kirkjulundi 3, Garðabæ fimmtudaginn 24. mars 2022 kl. 18:00.

Dagskrá:
Tillaga kjörnefndar að framboðslista Sjálfstæðisflokksins við sveitarstjórnarkosningarnar þann 14. maí 2022, borin upp til samþykktar.

Vinsamlegast athugið að fundurinn er eingöngu opinn þeim sem setu eiga í Fulltrúaráði sjálfstæðisfélaganna í Garðabæ.

Stjórn Fulltrúaráðs sjálfstæðisfélaganna í Garðabæ.

Almar Guðmundsson er nýr oddviti sjálfstæðismanna í Garðabæ þegar úrslit hafa verið birt úr prófkjör flokksins í sveitarfélaginu. Hlaut Almar 832 atkvæði í fyrsta sæti.

Alls tóku 2.448 þátt í prófkjörinu. Kjörsókn var rétt undir 50%. Auðir seðlar og ógildir voru 80.

Röð efstu átta eftir lokaniðurstöður eru svohljóðandi:

1. sæti Almar Guðmundssson með 832 atkvæði í 1. sæti.
2. sæti Áslaug Hulda Jónsdóttir með 1032 atkvæði í 1.-2. sæti.
3. sæti Björg Fenger með 1153 atkvæði 1.-3. sæti
4. sæti Sigríður Hulda Jónsdóttir með 1177 atkvæði í 1.-4. sæti
5. sæti Margrét Bjarnadóttir með 828 atkvæði í 1.-5. sæti
6. sæti Hrannar Bragi Eyjólfsson með 1048 atkvæði í 1.-6. sæti.
7. sæti Gunnar Valur Gíslason með 1111 atkvæði í 1.-7. sæti.
8. sæti Guðfinnur Sigurvinsson með 1193 atkvæði í 1.-8. sæti.

Úrslit verða tilkynnt á Facebook síðu Sjálfstæðisfélagsins þegar þau liggja fyrir.

Þú getur fundið Facebook síðuna hér.

Prófkjör Sjálfstæðisflokksins í Garðabæ fer fram 5. mars 2022.

Kjörfundur fer fram í félagsheimili flokksins að Garðatorgi 7. Opið verður frá kl. 09:00 – 19:00.

Kosningarétt hafa allir skráðir flokksmenn fæddir 4. mars 2007 eða fyrr. Það er einfalt að skrá sig í flokkinn hér. Kjósendur yngri en 18 ára þurfa að skrá sig í flokkinn í síðasta lagi 4.mars.

Kosning fer þannig fram að kjósandi velur frambjóðendur á lista í töluröð frá 1-8 með því að setja tölu fyrir framan nafn frambjóðanda á kjörseðli. Þannig setur kjósandi töluna 1 fyrir framan þann sem kjósandi óskar eftir að hljóti 1. sæti, töluna 2 fyrir 2.sæti o.s.frv. Ekki má velja fleiri eða færri frambjóðendur en 8. Útstrikanir á kjörseðli ógilda atkvæði.

Úrslit prófkjörsins verða kunngjörð á Facebook síðu Sjálfstæðisfélagsins, á www.gardar.is og www.xd.is þegar talningu lýkur.

Kjörnefnd gerir tillögu til fulltrúaráðs um uppröðun framboðslista að afloknu prófkjöri. Kjörnefnd stefnir á að skila tillögum sínum eigi síðar en 3 vikum eftir að prófkjöri lýkur.

Þú getur kynnt þér alla frambjóðendur hér.

Prófkjörsreglur Sjálfstæðisflokksins má finna hér.