Prófkjör: Kynningarfundir fram undan
Sjálfstæðisfélagið stendur fyrir ýmsum leiðum sem frambjóðendur geta nýtt sér til að kynna sig. Í lok vikunnar koma út viðtöl við alla frambjóðendur á hlaðvarpsformi og fram undan eru streymisfundir þar sem þeir geta kynnt sig og sín stefnumál. Streymisfundirnir fara fram á Facebook síðu félagsins.
Sautján bjóða sig fram í prófkjöri
Sautján frambjóðendur skiluðu inn framboði til þátttöku í prófkjöri Sjálfstæðisflokksins í Garðabæ sem fram fer 5. mars næstkomandi.
Kynningarfundur um prófkjör
Sjálfstæðisfélag Garðabæjar býður til kynningarfundar um prófkjör sem haldið verður 5. mars n.k. þar sem valdir verða frambjóðendur á framboðslista Sjálfstæðisflokksins í Garðabæ fyrir sveitastjórnarkosningarnar sem fram fara í vor. Fundurinn fer fram fimmtudaginn 20. janúar kl. 18 hér á vefnum.
Á fundinum verður farið yfir fyrirkomulag prófkjörsins, hvernig maður býður sig fram, reglur um fjárhagslega upplýsingagjöf og þann vettvang sem Sjálfstæðisfélagið mun bjóða frambjóðendum til að koma sér á framfæri.
Fundurinn fer fram í streymi í gegnum Youtube á vefnum www.gardar.is en þannig geta áhorfendur fylgst með fundinum að öllu leyti nafnlaust. Einnig verður hægt að senda inn nafnlausar fyrirspurnir á meðan á fundinum stendur.
Prófkjör: Auglýst eftir framboðum
Auglýst er eftir framboðum til prófkjörs Sjálfstæðisfélaganna í Garðabæ fyrir komandi sveitarstjórnarkosningar sem fram fer laugardaginn 5. mars 2022.
Fyrir frambjóðendur
Frambjóðendur eru hvattir til að kynna sér vel prófkjörsreglur flokksins sem og þau ákvæði sem finna má í skipulagsreglum Sjálfstæðisflokksins varðandi prófkjör og framboðsmál.
Frambjóðandi skal vera kjörgengur í næstu sveitarstjórnarkosningum, flokksbundinn sjálfstæðismaður og búsettur í Garðabæ. Hver frambjóðandi skal skila inn skriflegum meðmælum með framboði sínu frá 20 flokksbundnum sjálfstæðismönnum búsettum í Garðabæ, hið minnsta en að hámarki 40 meðmælum. Tekið skal fram að enginn meðmælandi má mæla með fleirum en 8 frambjóðendum.
Eyðublað fyrir meðmælendur, sjá hér.
Hver og einn frambjóðandi skal skila ljósmynd og allt að 200 orða kynningartexta með framboði sínu. Efnið verður notað til að kynna framboðið. Frambjóðendum er að auki heimilt að láta fylgja með ferilskrá og senda með hlekki inn á heimasíðu, samfélagsmiðla og annað sem tengist framboði þeirra.
Skil á framboði:
Framboðsfrestur er til kl. 16:00 mánudaginn 31. janúar 2022.
Framboði er skilað inn rafrænt með því að smella hér.
Nánari upplýsingar veitir Haukur Þór Hauksson formaður kjörnefndar í síma 618-1279 eða í gegnum netfangið haukurthorhauksson@gmail.com
Reglur og almenn skilyrði
Prófkjör í vor – Gunnar hættir
