Inga Rós Reynisdóttir, viðskiptastjóri
Undirrituð Inga Rós Reynisdóttir 33 ára viðskiptafræðingur og íbúi í Urriðaholti í Garðabæ. Þar bý ég með maka mínum Arnari Dóra Ásgeirssyni og 4 börnum, Degi Orra á 13 ári, Lilju Karitas á 11 ári, Anítu Rós á 7 ári, Marinó Hrafni á 3 ári og hundinum Ösku. Börnin ganga öll í Urriðaholtsskóla og stunda íþróttir víðsvegar í bæjarfélaginu.
Uppvöxtur minn var í Garðabæ til unglingsára með viðkomu í Reykjavík og Hallormsstað, 15 ára fluttist ég til Hafnarfjarðar. Þrátt fyrir flutning kláraði ég grunnskóla og menntaskóla í Garðabæ, því varði ég miklum tíma með vinum mínum í bæjarfélaginu. Ég er mikil félagsvera sem hef hugsjón fyrir því að þörfum allra íbúa sé mætt af bæjarfélaginu út frá þarfagreiningu. En það er ekki nóg að vilja heldur þarf að framkvæma hlutina. Ég hef komið víðsvegar að, með meistaragráðu í reiknishaldi og endurskoðun, vann hjá Deloitte í áhætturáðgjöf í 5 ár þar sem innri endurskoðun lífeyrissjóða og gerð staðfestingaskýrslna voru mín helstu sérsvið. Nú starfa ég sem viðskiptastjóri verslana og veitinga á Keflavíkurflugvelli við fjölbreytt verkefni, samhliða stunda ég nám í verkefnastjórnun sem lýkur í maí 2022. Ég tel mig vera góðan kandídat sem frambjóðanda flokksins og býð mig því fram í 6. sæti í prófkjöri.