Áslaug Hulda Jónsdóttir, formaður bæjarráðs Garðabæjar og bæjarfulltrúi
Áslaug Hulda er formaður bæjarráðs Garðabæjar og bæjarfulltrúi. Hún skipaði 1. sæti á framboðslista Sjálfstæðisflokksins fyrir síðustu sveitarstjórnarkosningar og býður sig fram í 1. sæti.
,,Mér þykir vænt um bæinn minn og fólkið sem hér býr. Það hefur gengið vel í Garðabæ og við höfum fjölmörg tækifæri til að gera enn betur. Ég óska eftir því að leiða Sjálfstæðisflokkinn í komandi sveitarstjórnarkosningum. Þar mun víðtæk reynsla mín úr stjórnmálum, stjórnsýslunni og atvinnulífinu nýtast vel. Ég hef verið í forystu á vettvangi stjórnmálanna og stýrt stóru fyrirtæki. Ég horfi á stóru myndina, einbeiti mér að nýjum tækifærum og hef mikinn drifkraft“
Áslaug hefur verið í bæjarstjórn í rúman áratug, fyrst sem forseti bæjarstjórnar og nú sem formaður bæjarráðs. Hún er öflugur stjórnmálamaður og mikilvægur talsmaður Sjálfstæðisflokksins og sveitarstjórnarstigsins á landsvísu.
Hún var framkvæmdastjóri Hjallastefnunnar sem rekur 19 sjálfstætt starfandi leik- og grunnskóla. Síðustu ár hefur hún tekið þátt í uppbyggingu plastendurvinnslufyrirtækisins Pure North. Hún situr í stjórn lífeyrissjóðsins Gildi og er formaður skólanefndar FG.
Áður hefur hún komið að stofnun heilbrigðisfyrirtækis sem sinnir m.a. heimaþjónustu fyrir aldraða og fatlað fólk.
Áslaug Hulda hefur m.a. setið í stjórn Viðskiptaráðs og verið formaður Samtaka sjálfstætt starfandi skóla.
Áslaug Hulda er grunnskólakennari að mennt og lauk stjórnendanámi frá viðskiptaháskólanum IESE í Barcelona.
aslaug.hulda.jonsdottir@gardabaer.is
aslaughulda.is
Facebook
Instagram